Seizhah mbwn ndat、dumzmbaeq, nyungz gig lai, hoeng gaej lanh yungh vwnzyangh bw. Cujyau yenzyinh dwg baenzneix:

Dangqnaj, vwnzyangh guek raeuz daihgaiq ndaej faen baenz sam loih: Bujdungh vwnzyangh、fouz hoenz vwnzyangh、denyez gihvwnzben. Cujyau yenzliuh dwg aeu gizcij cawz nyungz caeuq cunghcaujyoz wnq daeuj guh. Gij cabied sam loih vwnzyangh neix cujyau dwg dem bouj liuh cungjloih caeuq soqliengh. Couhcinj gij vwnzyangh habgek, baez diemj hwnjdaeuj hix rox cauhbaenz vanzging ndaw rug uqlah. Gij vwnzyangh cocauq lanh guh haenx baez diemj dawz, huq uqlah ndaw rug ndaej demgya daengz nyuenzlaiz 90 lai boix, bwnjbingbij miz baenz aiz cozyung haenx hamzliengh ndaej demgya daengz nyuenzlaiz 130 lai boix. Denyez gihvwnzben aenvih mbouj coemh dawz, canjseng bwnjbingbij gig noix, ca mbouj lai niemh mbouj okdaeuj.