Daj daiqndang daengz doek- seng caeuq daengx aen geiz gueng cij, ndang daxmeh aeu ginglig ithaehlied sengleix bienqvaq. Youq aen geizgan neix, ndang daxmeh mboujdanh aeu bouj yingzyangj hawj bonjndang, lij aeu bouj yingzyangj hawj lwgndawdungx dem. Ndigah, gij yingzyangj meh- daiqndang caeuq mehsenglwg mboujdanh gvendaengz bonjndang gengangh, lij gvendaengz lwgnding gengangh fazyuz caeuq majhung dem.

Gij yingzyangj youq geiz daiqndang mizgven haenx dwg: Ndaw ndang mehdaiqndang aeu moq lawh gaeuq caeuq gak aen gi’gvanh hidungj goengnaengz bienqvaq gig daih, lumj giekdaej lawh gaeuq demgiengz、conghsaej noddoengh doekdaemq、raemx- siuvaq iemqok noix daengj, cungj iugouz youq yingzyangj fuengmienh bae guh diuzcwngj cij ndaej.

Daiqndang baen guh sam aen cujyau seizgeiz: Daiqndang caeux- geiz(1 daengz 3 ndwen), lwgndaw- dungx sengmaj fazyuz gig vaiq, hainduj sengbaenz bwtdaep lo, danhseih ndangnaek moix ngoenz ngamq demgya gwz ndeu, doiq yingzyangj iugouz cizlieng sang danhseih liengh noix, seizhaenx mehdaiqndang caeuq vunz bingz- ciengz doxgaenh roxnaeuz loq lai di.

Daiqndang geizgyang(4 daengz 6 ndwen), lwgndawdungx ndang- naek dem naek vaiq, bingzyaenz moix ngoenz demgya 10 gwz, doiq ndat caeuq gak cungj yingzyangj doxgaiq iugouz demlai.

Daiqndang geizlaeng(7 daengz 9 ndwen), lwgndawdungx ndang- naek demgya vaiqriengj, daegbied dwg daiqndang ndaej 32 daengz 38 hop seiz ceiq mingzyienj, ndang daxmeh aeu ngeihvaih rom bwh yingz daeuj louz hawj mwh senglwg caeuq gueng cij lwgnding.

yangj