Vahsug ciengz gangj:“Bya seng huj、noh seng myaiz.” Ndigah, bya caeuq noh gij doxgaiq yungzheih“hwnj huj”neix, seizhah wnggai noix gwn. Mboujgvaq, byalae cix lingh gangj lo. Noh byalae unq sien, yingzyangj lai, baenz bouj, haeuj siujsawq le gwn byalae cingq habseiz.

Huzbwz Swngj Cunghyihyen Neifwnhmigoh Siuh Vancwz cujyin gaisau naeuz, byalae singq raeuj feih diemz, ndaej bouj ndaw ik heiq、bouj daep bouj dungx、siu fungcaep、nyangq nyinz giengz ndok. Yienhdaih yenzgiu byaujmingz, byalae hamz danbwzciz haemq lai, hamz diet beij byaleix caeuq byahenj sang baenz boix, caemhcaiq hamz miz lai cungj gvangvuzciz caeuq veizswnghsu dem. Cawz yingzyangj lai le, de lij ndaej gyangqdaemq danjgucunz nungzdu, fuengzceih doenghmeg giet ndongj yinxhwnj sai sim lwed baenzbingh, doiq dungxraeng yinxhwnj baenz oksiq hix miz haemq ndei ceihyw cozyung.