Gai, vunzraeuz mboujlwnh duenh bi’ndwen lawz cungj aeu miz, hoeng mbouj doengz aen bi’ndwen duenh bouj gai fuengsik mbouj doxdoengz, bouj lainoix hix mbouj ityiengh.

1、Bouxlaux bouj gai aeu caeuq lienhndang doxgiethab hwnjdaeuj. Danghnaeuz mwngz nyinhnaeuz swhgeij gaenq bouj gai gaeuq lo, neix mwngz couh loek lo. Gai youq ndaw ndang vunz aeu supsou、yinhsoengq bae daengz daengx ndang gak giz, habdangq hozdung aenndang ndaej coi gai caenhliengh fazveih cozyung, daegbied dwg youq rog ranz hozdung lij ndaej lai habbaenz veizswnghsu D dem. Dangh- naeuz gai youq ndaw conghsaej mbouj ndaej supsou vaiq, gig gojnwngz couh deng riengz haex baiz ok rog ndang daeuj ndwi.

2、Bouxlaux bouj gai lainoix aeu hableix. Bouxlaux aenvih swhgeij baizok naengzlig gemjnyieg, dungxsaej supsou naengzlig hix siengdoiq doek- daemq, ndigah genyi bouxlaux sup haeuj gai wng lai di, itbuen ngoenz gwn gai 1200 daengz 1500 gwz ceiq ndei.

3、Bouxlaux bouj gai wng aeu gwnndoet daeuj bouj guhcawj. Genyi bouxlaux gwn cijvaiz singjsien, aenvih ndaw cijvaiz singjsien hamz gai ceiq lai, gyanghaemh caiq bouj gwn boi he dem, yienghneix gawq ndaej an saenz, youh ndaej mizyauq dwk bae bouj gai.