□ Hoz Saubangj sij Cinz Siengzcouh Liuz Gingliuj Cinz Siengzgen hoiz

20 aen fai hung caeuq 12 aen fai rauh nem mbangj gihden baizgvancan Guengjsae seizneix miz haenx, dingz- lai cungj dwg Veiz Gozcingh hwnj- nyaemh cawjguenj Guengjsae seiz guh baenz. Daengz bi 1975, gizdieg rwed raemx Guengjsae miz baenz 2193 fanh moux, ciuq vunz nungzyez seizde daeuj suenq, vunz bingzyaenz yaek miz 0.8 moux. Gijneix doiq haeuxgwn Guengjsae onjdingh demcanj caeuq ndaem ndei gooij daengj doenghgo dajgai gig miz cozyung youqgaenj.

Veiz Gozcingh gig yawjnaek henhoh nazreih. De ciengzseiz naeuz: “Gij nazreih raeuz seizneix cungj dwg cojcoeng dwgrengz guhhong haujlai ciuh cij louz roengzdaeuj hawj raeuz, de dwg gij goekgaen nungzyez Guengjsae raeuz, itdingh aeu henhoh ndei.” De raen mbangj yienh seiz- bienh ciemqyungh nazreih daeuj guh ranz, guh ciengzdwkgiuz le, gig hoz- gaek, haenqhaenq dwk bihbingz le gij yienh luenh guh neix. Ciuq de genyi, swcigih guh ok gietdingh: Ciemqyungh nazreih, itdingh aeu yiemzleih gamh- anh; danghnaeuz itdingh aeu ciemq- yungh, couh aeu ciemq moux cauh moux. Gunghginh moux bu youq moux yienh cauh aen ciengzfeihgih, nyuenz dajsuenq yaek ciemqyungh 5 moux naz. Youq ngeixyaeng fangh’an hwnj- guh seiz, Veiz Gozcingh naeuz, Guengjsae nazreih noix, gaej ciemq- yungh 5 moux naz de lo, gij roenbuet ndaej hamj 5 doh coh baihdoeng aenndoi bae vat, aeu lai yungh 30 fanh maenz ngaenz, youz swcigih ok ngaenz.

Veiz Gozcingh mboujdanh son- gyauq ganbu aeu insik gij nazreih cojcoeng cauh roengzdaeuj haenx, lij daezok dawz cauh naz cauh reih lied haeuj ndaw giva nungzdenz gihbwnj gensez bae. De naeuz:“Daih vunz raeuz gaej baengh cojcoeng gwn haeux ndwi, lij aeu giz diegfwz hai baenz naz baenz reih bae, mbehung menciz nazreih, cauhfuk hawj ciuhlwg ciuh- lan.” Daj bi 1969 daengz bi 1975, daengx aen swcigih binaengz cauh naz cauh reih cungj ndaej bak fanh moux doxhwnj. Ndigah, caenhguenj mwhde gunghyez、gyaudoeng、hwnj ranzyouq yungh dieg mboujduenh demlai, hoeng bi 1975 gij menciz nazreih lij lai gvaq 1968 nienz 270 fanh moux.

(caengz sat)