Aendaemz lajmbanj

Yo miz goekgaen caeuq sengmaj diuz-

mingh

Mboujlwnh aenmbwn baenzlawz ndat

Gizde cungj dwg liengzsausau

Miuz haeuxyangz nyaenx ndaej hozhawq

Did ok gij mbaw heuyauyau

De dwg gij maqmuengh seizcou

Engq dwg gij saek gyaeu seizhah

Diuzgai ndawsingz

Laj go’gyaeuq riuzdoengh miz gingj-

saek ndei

Couhcinj dwg haeujhaemh doekfwn

Raemxfwn caemh deng nyumx hwnj

saek ndongqlik

Aen gvangjcangz dep bangx huzraemx

Miz vunz yietliengz miz vunz diuqfoux

Bouxlaux naengh gwnz daengqrin

Ndaw da gyoengqde cungmuenx gij

gyaez

Seizhah lumj fukdoz ndawnyez dajveh

Gofaex benqfwj raqfwn

Boux rox cix maez youq baihndaw

Boux mbouj rox cix gag vaiqvet

ndotdeuz