●8 nyied 4 hauh, 2015 nienz Sanhgyangh Dungcuz Swciyen daih- roek gaiq lajmbanj vwnzyi comzyienj senj aeu hozdung youq ndaw yienh dalijdangz gawjhengz, ndaw yienh- singz miz 18 aen daibyaujdui camgya doxdax, yienj le gofoux、siujbinj、Heiqdung daengj lai aen cezmuz, ndei yawj raixcaix, vunzlai yawj ndaej gig gvaqyinx.

(Gungh Bujgangh)

●Geij ngoenz gonq, daihcibcaet gaiq Nanzningz gozci minzgohcez hozdung sinhvwnz fazbuvei youq Nanzningz Densidaiz gawjhengz, fazbuvei lwnh le baez minzgohcez neix miz maz hozdung, miz maz ndeiyawj, baez hozdung neix yaek youq 9 nyied 17 hauh gawjhengz.

(Veiz Yenzfuz)

●Daengz 6 nyied daej, Yungz- suij Myauzcuz Swciyen nyinhdingh minzbinj minzmou giyez 80 aen, coengh gij giyez neix aeundaej daigvanj youhvei 33952 fanh maenz, ndaej cwngfuj boujdiep cienzngaenz leihsik 471.28 fanh maenz. Neix gig ndei dwk doidoengh daengx yienh minzcuz canjbinj minzcuz mouyi giyez cangqvuengh hwngfat.

(Fung Sauswh Veiz Yungzcinh)

●Bi’gvaq 6 nyied, Dava Yauzcuz Swciyen hainduj youq Luzyej Yangh guh fuzbinz haifat“daengx yangh doihaeuj”, canjyez fuzbinz fazcanj baenaj gig lai. Bineix, aen yangh neix gaenq ndaem makitbya 1400 lai moux; ndaej mienxfeiq hawj dinfaex gosangh 270 fanh go, guh baenz gosangh dajndaem sifangih; ndaem makhwzdauz 4000 moux, laeb baenz 1000 moux makhwzdauz dajndaem sifangih.

(Veiz Bungzyen Veiz Cwz)

●Daj 2009 nienz daeuj, Loz- cwngz Mulaujcuz Swciyen gaenx- maenx coengh doenghboux ngamq gaujhwnj dayoz nem dayozswngh ndaw yozyau banh aeu swnghyenzdi bang- hag daigvanj, hawj ndaw yienh doenghboux hagseng ranz gungzhoj ndaej sim’onj doeg dayoz. Daengz 2015 nienz 7 nyied daej, gyoepsuenq bang 11250 vunzbaez banh ndaej daigvanj 6700 lai fanh maenz.

(Mungz Cwnghswh)