Bonjbauq siusik (gicej Mungz Sugij) 8 nyied 9 hauh, daihcib gaiq daengx guek saujsu minzcuz conz- dungj dijyuz yindungvei youq Neimungzguj Swcigih Ngozwjdohswh Si hainduj gawjhengz. Cunghgung Cunghyangh Cwngcigiz veijyenz、Gozvuyen fucungjlij Liuz Yenzdungh, Daengx Guek Cwnghez Fucujsiz、Guekgya Minzveij cujyin Vangz Cwngveij camgya gaihmusiz.

Youq gwnz gaihmusiz, Gvangj- sih、Ningzya、Sihcang、Sinhgyangh、Neimungzguj daengj 34 aen daibyaujdonz, daenj ndangdaenj minzcuz doxlwnz okciengz, faenbied biujyienj 30 miux cung, gig miz minzcuz daegsaek.

Gvangjsih daibyaujdonz dwg aen daibyaujdonz okciengz ceiq gonq. Gyoengqde daenj ndangdaenj Bouxcuengh、Yauzcuz、Myauzcuz daengj, aeu fwngz beng fukvang haeuj ciengz, gwnz fukvang de aeu Sawcuengh Sawgun song cungj saw sij“Guengjsae Gak Cuz Yinzminz Gingq Daengx Guek Yinzminz”; youz sing yinhyoz《Fwen Lumj Raemxdah Seizcin Lae》buenx, yienj gofoux minzcuz《Mbanjranz Boux- cuengh Ndei Lailai》, gig miz daegsaek minzcuz gih raeuz. Gyoengq daibyaujdonz cwngzyenz youq yienhciengz guh biujyienj de, doengzcaez haenqrengz aeu Vahcuengh hemq“Guengjsae angq- coux mwngz”, sing hemq haprwenz gwnzmbwn Ngozwjdohswh Dijyuz- cangz.

Gaihmusiz sat liux gawjhengz vwnzyi yienjok. Gih raeuz boux mehmbwk ciengqgo heuhguh Cinz Cinhyen, de aeu Vahcuengh ciengq《Fwen Gingq Laeuj Bouxcuengh》, 40 lai boux hagseng Gvangjsih Minzcuz Dayoz yienj fouxnyenz, youq gwnz gaihmusiz neix, baenz diemjrongh hung ndeu.