Bi’gvaq, Cungzcoj Si saedhengz“seiq aen gunghcwngz”, haenqrengz gaijndei dieg minzcuz henzguek gij swnghcanj swnghhoz diuzgen gvendaengz doenghboux senj ok suijgu de. Daengx bi roengz 1982 fanh maenz, saedhengz suijgu yizminz gihcuj sezsih hanghmoeg 51 aen, ndawde, roenmbanj hangh- moeg 50 aen 61.75 goengleix, roengz 1972 fanh maenz; sokruz aen ndeu, roengz 10 fanh maenz; hanghmoeg gvendaengz 6 aen yienh(gih), 1.38 fanh vunz daj dieg suijgu senj ok de souh’ik.

It dwg laebguh mbanj moq gunghcwngz. Hwnjguh haj aen mbanj suijgu yizminz moq, guh 2 diuz roen ndaw mbanj suijgu yizminz. Ngeih dwg laisou hanghmoeg. Fazcanj daegsaek canjyez, saedhengz ciengx ngwz、ciengx gvi daengj“mbanj miz yiengh ndeu”suijgu yizminz laisou hanghmoeg. Sam dwg gyauyuz beizyin gunghcwngz. Daengx bi beizyin doenghboux senj ok suijgu 2000 vunzbaez, daezsang gyoengqde ra hong caux hong naengzlig. Seiq dwg “langhfai gyaeundei”gensez gunghcwngz. Gaijndei swnghdai vanzging ndaw langhfai.

(Lungz Yenyingh/隆艳英)