Lauxsae, yienznaeuz raeuz moix ngoenz cungj raen naj, cungj youq itheij yozsiz, hoeng ndawsim gou cix miz haujlai vah siengj doiq mwngz gangj.

Lauxsae, gou siengj doiq mwngz gangj:“Lauxsae, mwngz sinhoj lo. Mwngz couh lumj daxmeh gou, mboujdanh gvansim gij yozsiz gou, vanzlij hix gig gvansim gij gwndaenj gou.”

Geiqndaej miz baez ndeu,haenx dwg gou baez daih’it mbouj gyau cozyez. Yozsiz veijyenz fat bonjcozyez seiz, aensim gou diuqbubbub, lauheiq mwngz youq baihnaj gyoengq doengzhag bih- bingz gou. Itcig daengz roengz- dangz le, mwngz cij byaij daengz henz ndang gou doiq gou naeuz:“Cingj mwngz bae Bangunghsiz mbat ndeu.” Aensim gou couh yaek diuq ok conghhoz daeuj lo: Youq gwnz godangz mbouj gangj gou, bae daengz bangunghsiz mwngz itdingh ndaq gou lo. Bae daengz bangunghsiz, mwngz mboujdanh mbouj ndaq gou, vanzlij unqswnh dwk cam gou:“Dwg mbouj dwg ndangdaej mbouj ndei?” Dingq daengz gij vah unqswnh mwngz, raemxda gou nyaenx mbouj ndaej lae roengz- daeuj——Duenh seizgan haenx, daxmeh gou ngamq bae Gvangj- dungh guhhong, gou gig nanzgvaq. Rox daengz aen cingzgvang neix, mwngz couh menhmenh sonyinx gou, hawj gou roxdaengz: Mbouj- lwnh bohmeh youq mbouj youq henz ndang, gij gyaez gyoengqde itcig youq henz ndang gou, hawj gou gamjdaengz mbouj caiq godog.

Docih mwngz, lauxsae, dwg mwngz bangcoh caeuq gujli gou, hawj gou bienq ndaej engq vaiq- vued. Gou itdingh roengzrengz yozsiz, daengzcog gou hix aeu guh boux lauxsae caeuq mwngz ityiengh.

（指导老师：李专红）