Caz cehmbu: Aeu 3 gwz cehmbu, cimq raemxgoenj dang caz gwn. Cehmbu singq liengz feih haemz, ndaej bingz daep huj、siu dungx huj、gyangq bwt huj. Cunghyih nyinhnaeuz, boux najlinx biux naeuh ceiq hab gwn cungj caz neix.

Raemx sae’gva: Swiq sae’gva seuq, vat noh ok nap aeu raemx, hamz ndaw bak song faen cung baedauq ndwnj roengz, ndaej fanfoek baenzneix guh lai baez. Sae’gva singq caep feih diemz, hab gak cungj conghbak biux naeuh gwn.

Cuk lwgfaeg: Aeu 250 gwz lwgfaeg, dat naeng swiq seuq ronq baenz gaiq; 100 gwz haeuxsuen swiq seuq caez cawj cuk gwn. Lwgfaeg singq liengz feih diemz, ndaej siu ndat、nod raemx、siudoeg, gawq ndaej siu dungx ndat, youh ndaej siq sim huj. Hab boux fanfoek baenz conghbak biux naeuh gwn.