Lwgnyez heuj in yenzyinh ciengz raen dwg heujnengz, danghnaeuz heujnengz mbouj ndaej gibseiz gaijgez, lwgnyez heuj in seiz mboujdanh insep nanz dingj, caemhcaiq rox gawhbongz doz nong dem. Ndigah cawjranz aeu cibfaen yawjnaek cij ndaej.

1、Moix gek duenh seizgan ndeu, couh aeu yawjyawj naj- heuj lwgnyez miz mbouj miz diemjndaem roxnaeuz congh iq. Moix gek buenq bi daiq lwgnyez bae yihyen genjcaz diuzheuj sengmaj caeuq gengangh cingz- gvang. Yienghneix guh mbouj- danh ndaej gibseiz fatyienh heuj lwgnyez miz mbouj miz bingh, caemhcaiq ndaej hawj lwgnyez gvaqlaeng mbouj lau yawj binghheuj.

2、Bingzseiz aeu son lwg- nyez guh baenz aen gwnndoet caeuq conghbak veiswngh sib- gvenq ndeu. Gwn haeux sat caeuq yaek ninz gaxgonq aeu riengx bak roxnaeuz cat heuj. Gaej hawj lwgnyez gwn huq- diemz lai, aenvih ndaw bak lamqlw miz dangzfwn, nonnengz couh maj ndaej engq vaiq. Moix baez gwn huqdiemz le, aeu sikhaek gwn raemx roxnaeuz riengx bak.

3、Danghnaeuz lwgnyez swenj heuj in, cawjranz cawz le cigciep cazyawj dwg mbouj dwg baenz heujnengz le, lij ndaej aeu sieg iq yaengyaeng roq heuj lwgnyez, ra ok diuz heuj lawz miz vwndiz.

4、Danghnaeuz raen lwg- nyez baenz heujnengz roxnaeuz gaenq baenz heuj in, wng sikhaek soengq de bae yihyen ceihyw. Mienxndaej heujnengz yied daeuj yied haeujnaek, daengz seiz fouzfap fong, couh cijnaengz ciemz bae lo.

5、Lwgnyez heuj in seiz, ndaej aeu daeh raemxndat baeng mbiengj gemj heuj in haenx, yienghneix ndaej gemjmbaeu insep.

6、Bingzseiz son lwgnyez yungh hamz fuz yazgauh cat heuj. Aenvih yungh hamz fuz yazgauh cat heuj, ndaej hawj najheuj hoemq caengz fuz doxgaiq ndeu, ndaej fuengz nonnengz caeuq dangz gaet diuzheuj.