Youh dwg seiz roengzdangz mbouj miz yinxdaeuz, youh dwg gij doiqvah mbwqmbwt, youh dwg aenngaeuz dandog. Henz ndang gou cijmiz aenngaeuz ndaemndet, angqyangz gou cijmiz hoengheiq rox, siengsim gou cijmiz daengngoenz dingq, neix couhdwg gaxgonq gou, godog mbouj miz baengzyoux.

Ngoenzhaenx, Siujvanh doiq gou gangj: “Mwngz rox mwngz vih maz mbouj miz baengzyoux lwi?” “Mbouj rox.”Gou siengsim dwk naeuz. “Neix dwg aenvih mwngz cungj mbouj nyienh’eiq ciq doxgaiq hawj bouxwnq.”“O!”Gou fwt singj gvaqdaeuj. Gaxgonq doengzhag ciq doxgaiq gou, gou cungj ra lijyouz mbouj hawj, doengzhag cam gou vwndiz, gou cungj mbouj leixlangh. Itdingh aeu gaij! Gou caegcaeg roengz gietsim.

Gou cawjdoengh bae caeuq doengzhag gangjgoj, caeuq gyoengqde guhcaemz, daujlun vwndiz mbouj rox haenx, byawz miz gunnanz gou cawjdoengh bae bang…… Yienghneix, baengzyoux daeuj lo, Siujbungz、Siujveih、Siujswng、Siujanh……Gou aeu caenhrengz bae bang doengzhag gou bang ndaej daengz haenx, hawj baengzyoux gou engq lai.

Youjyiz，hawj gou youq ndaw laepngau yawjraen aendaeng ronghsag, hawj gou ndek godog bae, madaengz aen seiqgyaiq miz baengzyoux haenx.

（指导老师：黄吉星）