Daj bujgiz densi gvaqdaeuj, yawj densi gaenq baenz aen bouhfaenh youqgaenj gyoengq- vunz siucawz naetnaiq ndeu, doiq bouxlaux noix ok dou daeuj gangj engq dwg baenzneix. Hoeng, yawj densi seizgan daiq nanz, mboujdanh doiq gengangh fouz leih, lij rox yingjyangj daengz caeuq bouxwnq baedauq hwnj- roengz dem.

Daj yingjyangj ndangdaej gengangh daeuj gangj, vunz noix hozdung, youzlauz couh yaemz youq ndaw ndang, gojnwngz rox yaeuhfat baenz bingh sailwed sim uk, hawj gij bingh nyuenzlaiz couh miz haenx engq gya’naek. Daj cingsaenz fuengmienh daeuj gangj, couh dwg ciengzgeiz naengh nanz rox hawj lwed lae menh, goengnaengz sim bwt gemjnyieg gojnwngz yinxhwnj aen’uk hawj lwed mbouj gaeuq, yungzhieh baenz binghhukngawz. Caiq gangj, danghnaeuz cungj dwg dinghdingh cim coh densi, naengzlig nyinh- rox aen’uk couh baenz deng beidung ciepsouh, hawj aen’uk yied daeuj yied “gik”. Ciengzgeiz baenzneix, daengx aen goeng- naengz nyinhrox aen’uk couh doekdaemq. Daihsam, mbouj camgya sevei hozdung, mbouj caeuq bouxwnq gangjgoj, aensim bouxvunz couh haep haeuj mbouj hai, aen’uk couh bienq ndaej ngangzngwd mbouj lingz.

Guek rog gaenq miz yenzgiu gvaq, moix lai yawj densi diemj cung ndeu, bouxvunz ngoenzlaeng laux caeux caeuq baenz bingh- hukngawz gijliz beij boux mbouj yawj densi sang 1.3 boix.

Ndigah, bouxlaux ngoenz- naengz yawj densi ceiq ndei dwg gamhanh ngoenz 1 daengz 2 diemj cung haemq ndei. Densi cezmuz ceiq ndei yawj sinhvwnz caeuq cezmuz lwgnyez, yiengh- neix ndaej hawj vunz lai angq, couh noix baenz binghhukngawz lo.

少看电视可防老年痴呆