Gangj daeuj lauheiq cungj lawq lo, seizhah mbwn ndat wnggai fuengz hwngq gyangq ndat, simdaeuz yawz “dwgliengz” lone? Neix dwg aenvih seizhah mbwn ndataeng, gyoengqvunz maij gwn huqgyoet daeuj gyangj ndat siu hwngq, yienghneix couh baenz rog ndat ndaw gyoet, nanz le simdaeuz couh “dwgliengz” lo.

Seizhah fuengz simdaeuz “dwg- liengz” miz song aen banhfap daeuj yw: It dwg lai gwn hingndip. Hingndip ndaej giep caep, raeuz seizhah gwn huqgyoet roengz dungx le, gwn hingndip roengzbae gyoenq heiqcaep ok rog ndang daeuj, simdaeuz couh mienx deng“dwgliengz”, baujciz ndangdaej gengangh. Ngeih dwg ninz gaeuq. Seizhah gyangngoenz raez gyanghwnz dinj, yungzheih ninz mbouj gaeuq, ndigah aeu ninzringz cij ndaej.

Youq gwnndoet fuengmienh, seizhah cujyau gwn cit guhcawj, habdangq gwn di huqbouj he. Aeu duhheu、cehmbu、mbawngaeux、ragngox、duhbap caeuq haeuxsuen cawj cuk langh liengz gwn, ndaej cangq dungx、siu hwngq.