Riengzdwk gohyoz gisuz fazcanj, ranzyouq daengzcog itdingh hawj mwngz haenh mbouj dingz.

Mwngz ok rog dauqma, byaij daengz bakdou, gwnz dou cang miz aen“sujluzfwngz”, dawz luzfwngz mwngz cuengq gwnz sujluzfwngz bae, dou couh gag hai lo, danghnaeuz dwg vunzseng, dou couh mbouj hai, lij sikhaek bauqgingj dem. Yamq haeuj ndaw ranz, yinhyoz ndeidingq couh yiengj hwnjdaeuj, hawj mwngz guhhong ngoenz ndeu aenndang naetnaiq sawqmwh soeng roengzdaeuj. Naengh youq gwnz sahfaz, gwnz daiz baihnaj mwngz baij miz haujlai lwgmak caeuq dangzbingj, mwngz ndaej itmienh gwn doxgaiq, itmienh dingq yinhyoz, geijlai simsangj ha!

Mwngz yaek dajcaemx seiz, ndaw ranzdajcaemx caeux couh bang mwngz bwh ndei raemxndat、soujgaen、genj daengj. Dwg bouxlawz guh gij hong neix ne? Dangyienz dwg dennauj, dennauj gag rox mbwn nit cuengq raemxndat, mbwn ndat cuengq raemxliengz, ndaej hawj mwngz cwxcaih dajcaemx.

Dang mwngz hwnj congz yaek ninz gaxgonq, miz aen“dennauj gwnzfwngz”cuengq youq naj congz, mwngz ndaej youq gwnz dennauj yawj saw. Mwngz ninz roengz congz seiz, dennauj couh gag cuengq yinhyoz haeujninz, cigdaengz mwngz ninzndaek bae, yinhyoz couh gag dingz roengzdaeuj, doucueng rox gag suj ndei, ngoenz daihngeih gyanghaet mwngz hwnqcongz seiz, aencueng gag rox hai.

Neix couhdwg aen ranzyouq daengzcog, sojmiz nwngzyenz cungj dwg gauq daengngoenz caeuq ronghndwen ndaej daeuj. Mwngz gyaez cungj ranz neix lwi？（指导老师：覃珍团）