Daxmeh:

Mwngz ndei! Youq ndawsim gou, mwngz itcig dwg boux daxmeh ceiq hungmbwk、ceiq soh ndeu. Mwngz cungj dwg son gou aeu rox guhvunz. Daj gwnz ndang mwngz, gou yawj daengz le gijmaz dwg gyaeundei, gijmaz dwg gaenx. Mwngz naeuz gou nyi “seizgan doiq bouxlawz cungj dwg goengbingz, de couh lumj aenlaeuh ityiengh, gig vaiq couh lae deuz lo, bouxlawz ndaej buet youq dangqnaj seizgan, bouxde doeklaeng couh ndaej hingz.”

Haujlai aen cin hah cou doeng doxvuenh, haujlai aen hwnzngoenz doxlwnz, youq haujlai baez saetmuengh caeuq vuenheij, youq diuzloh bae saedyienh gij lijsiengj gou, miz seiz gou siengj dingz roengzdaeuj, caemh siengj laihgik, dwg mwngz son gou aeu genhciz, lumj raemxrij mbouj dingz lae, lae haeuj daihhaij bae. Dwg mwngz sawj gou vut gij gik bae, heuh gij gaenx daeuj.

Daxmeh, yienznaeuz mwngz mbouj dwg bouxvunz gyaeuget, hoeng youq ndawsim gou mwngz cix dwg boux vunz ceiq gyaeu ndeu. Gij cangndang seuqset mwngz, aensim unqsoh mwngz, gij singgwz giengiengz mwngz ciengx- lwenx cungj dwg gij funghgingj ceiq gyaeu- ndei. Dang bouxwnq miz saeh seiz, mwngz cungj dwg bae bang de; dang bonjfaenh miz saeh roxnaeuz bingh seiz, mwngz cungj dwg gag cengqgengz, mbouj bae mazfanz bouxwnq gvaq. Aeu gij vah mwngz daeuj gangj, couhdwg ningznyienh bonjfaenh haemz hix aeu bouxwnq vuenyungz.

Daxmeh, mwngz dwg daxmeh hungmbwk ndeu. Daxmeh, gou gyaez mwngz, muengh mwngz ngoenzngoenz haisim !

Dahlwg mwngz: Swhyingj

2015 nienz 6 nyied 15 hauh

（指导老师：韦春明）