Seizcou dwg geiqciet fungsou. Gij mak ndaw suen cug lo, ndaw hoengheiq cungj dwg heiq hom lwgmak. Byaij haeuj ndaw suenmak bae, ndaw suenmak cungj dwg gij gingjsiengq fungsou. Mwngz yawj, gwnz gobingzgoj, venj rim makbingzgoj hoengzgywggywg, lumj aennaj lwgnyez dwggyaez nei; makit ndongqliklik, lumj naedcaw saekaeuj baenz roix baenz roix duengh roengzdaeuj; gwnz go’ndae, makndae lumj daengloengz venj gwnz faex nei hoengzfwgfwg; gwnz goleiz, makleiz henjrwgrwg…… Gyoengqde cungj ceng dwk dawz saekcaij seizcou yienh okdaeuj.

Gou gyaez seizcou, gij suenmak seizcou caen gyaeundei ha!

（指导老师：覃玉往）