Gaenh geij bi neix daeuj, Cauhbingz Yen damqra laebbaenz “ung、guenj、 yungh”sam cungj fuengfap neix beizyangj bonjdieg vwnzva yinzcaiz, gikfat gyoengqde haenqrengz cauxguh, roengzrengz beizyangj lajmbanj vwnzva lumj“gofaex ciengz heu”nei, dangqnaj daengx yienh lajmbanj gaenq laeb miz 60 lai aen “din’uqnaez” vwnzyidui. Youq seiz hongsoeng, gyoengq nungzminz “vwnzyi gunghcozcej” ciengzseiz gag bien gag yienj heiqfoux、caijdiu、siujbinj daengj vwnzyi cezmuz miz gij heiqhom naekna bonjdieg haenx, bae daengz ndaw yienhsingz、ndaw cin、 ndaw mbanj yienj. Cungj nungzminz yienj、 nungzminz yawj neix ndaej daengz dangdieg vunzlai haenh, vih lajmbanj ndaej demlai cungj yiengh vwnzva noengzna ndeu. Ndaw doz dwg 7 nyied 7 hauh, Cauhbingz Yen Senhveiz Yauzcuz Yangh Mbanjdacungh nungzminz vwnzyidui yenjyenz baizlienh cezmuz.(Liuz Feih/刘 飞)