Dasinh Yen Baujhih Yangh Banjgya Cunh Mbanjbanjgya dwg aen mbanj yienghndei minzcuz ndeu. Dangdieg vunzmbanj daenj geu buh dinj daengz saejndw, genbuh dinj daengz gencueg. Mbanjbanjgya ing bya dep raemx, bya heu raemx saw, raemxrij lae gvaq laj giuz, gingjsaek ndaw reihnaz heuswgswg; minzcuz funghcingz naekna, Bouxcuengh gofoux ciepsoengq hek、 fwengingqlaeuj、 damzraih coininz, guh haeuxnaengj haj saek、daemceiz、 eufwen、 doz mae、daemj baengz、 daemj man daengj minzcuz vwnzva caeuq fungsug baujhoh ndaej gig ndei; gangj vah、ndangdaenj、 gijgwn、fungsug daengj fuengmienh lij baujlouz doenghbaez Bouxcuengh daegsaek, dwg Gvangjsih baihsaenamz minzsuz conzdungj vwnzva louzce ndaej haemq ndei he.

(Cinz Yenvaz/覃艳华)