Denzlinz Yen nyinhcaen guh ndei beizyin、 laemxsim fuzvu、 coicaenh ciuyez、 coengh cangyez fuzvu hozdung, cizgiz vih saujsu minzcuz mehmbwk ok geiqmaeuz, haenqrengz doigvangq minzcuz hongfwngz dajsiuq daegsaek demsou hanghmoeg gisuz, roengzrengz gya’gvangq saujsu minzcuz vunzlai demsou fuengsik. Ndaw doz dwg 6 nyied 22 hauh, Bingzdangz Yangh 210 boux canghdajsiuq ndawbiengz youq saefouh Loz Siufwnh lauxsae sonyinx lajde, doxbang hagsib minzcuz ndawbiengz dajsiuq、 daemjbaengz、 dajsan、 caiznyib daengj gisuz, vih swnjcienz caeuq baujhoh ndawbiengz minzcuz hongfwngz gunghyibinj gisuz gunghcoz guh ndei maenhsaed giekdaej.

(Yenj Cinbyauh/冉俊彪 Ginz Gveiyungz/岑贵荣)