7 nyied 6 hauh, Vujmingz Yen Daibingz Cin Gingloz Siujyoz ndaw hagdangz sing go haprwenz gyonglaz gyukgyad, nauhyied raixcaix, Gingloz doengzyieng Vangz Nanzmeij sienseng daengj gyoengq simndei giyezgyah daj Sinhcin dauqma, gien ganghginz、cuzgiuz、buhvaq hagdangz daengj vwnzdij doxgaiq caeuq ciengjyozginh daengj gungh 7 fanh lai maenz. Vangz sienseng lij caeuq yaucangj ciemdingh 《Sawhezyij Gingloz Siujyoz “Nanzmeij Ciengjyozginh”》, hagdangz hix hawj Vangz sienseng daengj gyoengq simndei giyezgyah fat “Gvansim Daihlaeng caeuq “Ndiepgyaez Fouz Gyaiq, Cingz Lienz Gyauyuz” bonjsaw yungzyi cwngsuh caeuq gepbaiz.

Vangz Nanzmeij sienseng dwg vunz Gingloz, nienzgeij gaenq ndaej 90 bi, seizneix de dwg Sinhcin Si Hungzli Sawvehgvanj gvanjcangj、Sinhcin Si Hungzli Swzsan Gihginhvei ciengx- lwenx yungzyi veicangj. Geij bi neix daeuj, Vangz sienseng laeb vwnzva banggungz hanghmoeg, cihciz bang goeng’ik saehnieb, gaenq gien guh ndaej 19 aen maqmuengh siujyoz, bangcoh 4100 lai boux da、 cungh、 siujyoz gungzhoj hagseng doegsaw, son gyoengq ciengqgo、 vehdoz dieg gungzhoj lauxsae 960 lai boux daengj hanghmoeg mbouj aeu cienz. Bi’gvaq, de gien 10 fanh maenz hawj Gingloz Siujyoz guh ciengjyozginh. Gij cingsaenz Vangz sienseng ndaej daengz ndawbiengz haenhndei, ndaej bingz guh “Daengx Guek Goengik Saehnieb Senhcin Goyinz”、 “Cungguek Gaijgwz Gaihfang Samcib Bi Bak Boux Vunz Okmingz” daengj cwngheuh.

Camgya aen hoih giensoengq neix lij miz ndaw yienh gvanhgunghvei、Daibingz Cin Cwngfuj、cin cungsim hagdangz、 cunhveij daengj mizgven lingjdauj.

(Vangz Sauvuj/黄绍武)