Daxmeh gou ndaej 35 bi lo, de ndang reuxred, naj cehgva, yawj hwnjbae gig gyaeundei. Daxmeh gou gig gyaez cangndang.

Daxmeh gou aenda dwg dagaenhyanx, vih mbouj hawj bouxwnq rox, couh daiq gingq- dayaem, loengh ndaej gyanghaemh guhhong dauqma seiz, song ceh da hoengzfwdfwd, caen lumj lwgda duzdouq nei. Daxboh yawjraen le, gig sim’in, couh bang daxmeh cawx fouq nganxgingq miz gyaq ndeu dauqma. Hoeng, mbouj geij ngoenz, daxmeh youh daiq gingqdayaem lo. De naeuz daiq fouq nganxgingq miz gyaq mbouj ndei yawj.

Daxmeh gyaez cawx buhvaq. Baez daengz ngoenz singhgiz, daxmeh cungj rag daxboh bae haw. Dauqma seiz, daeh hung daeh iq cungj dwg cang rim buhvaq ha, haiz ha. Seizneix, daxmeh engq maez youq gwnz vangj cawx doxgaiq lo. Moix ngoenz gyanghaemh, daxmeh cungj ciemq yungh dennauj, de cungj youq ndaw “dauzbaujvangj” yawj baez youh baez, genj le youh genj, cawx gij buhvaq gij haiz swhgeij hab’eiq haenx. Gou caen mbouj mingzbeg, daxmeh cawx baenz lai buhvaq guh gijmaz? Miz di buhvaq cawx ma caengz ndaej daenj, couh gvaqseiz lo. Daxboh naeuz, haenx dwg daxmeh gyaez “lengj” lai. Gou dingq le, nyaenx mbouj ndaej fwt riu sing ndeu.

Daxmeh gou couhdwg bouxvunz yiengh- neix gyaez cangndang, hoeng, daxmeh gou gig gyaez gou, de hix gig gaenx guhhong, gou gyaez daxmeh gou.   （指导老师：覃珍团）