Gwnndoet bien unq geih gwn gyoet. Boux ngamq haidau rox- naeuz boux ngamq guh vaqliuz gvaq haenx, aenvih ywbingh gwn doxgaiq noix, sup haeuj yingzyangj doxgaiq mbouj lai. Ndigah, wng haeujsim bouj gwn danbwzciz、veizlieng yenzsu caeuq gak cungj veizswnghsu, dapboiq yingzyangj aeu hableix. Seizhah gwnndoet wnggai bien unq、raeujndat, noix gwn huqmanh、huqyouznywnx. Gaej gwn huqgyoet lai, aenvih conghsaej aendungx raemhrwnh deng gyoet, ndaej yinxbaenz dungxsaej caeugaen、baenz aek in, boux siuhvadau baenzfoeg、boux daep mbei baenzfoeg aeu daegbied haeujsim di.

Linghvaih, moix ngoenz gwn raemx 1500 hauzswngh doxhwnj, lai gwn cazloeg、raemxgyu raeuj caeuq raemxmak.

Gangj veiswngh gaenx caemx- ndang. Seizhah naengnoh baiz raemx ok vaiq, giz nyaeuq yungz- heih rom miz heiz, boux naengnoh baenzaiz caeuq bouxbingh ciengz- seiz ninz mbonq mbouj hwnq aeu gaenx mad ndang caemxndang, mienxndaej hwnj baez caeuq biux naeuh. Buh dumz aeu gaenx rieg, caemhcaiq daenj gij buhvaq aeu faiq guh、unq、gvangq. Gwn mak gva ndip aeu siudoeg、gijgwn aeu baujsien.

Gaijndei haeujninz, gaej lumz ninzringz. Boux baenzfoeg aenvih baenzbingh caeuq ywbingh yingj- yangj, itbuen cungj ninz mbouj ndei. Ndigah, cingsaenz aeu cuengqsoeng, habdangq guh di yindung he, dingq di yinhyoz ndeu, yienghneix ndaej hawj vunz haeujninz vaiq. Banringz aeu ninz diemj daengz song diemj cung, mizleih aenndang hoizdauq ndei.