Seizhah mbwn ndatngaungau, vunz yungzheih ok hanh. Meh- daiqndang aenndang baiz ok gyavaiq, raemxhanh laj naeng iemqok demlai, yungzheih yinxhwnj hwnjcimj caemhcaiq fatsa. Ndigah, mehdaiqndang baenzlawz anbaiz ndei gwndaenj cibfaen youqgaenj, wng caenhliengh guh daengz baihlaj geij diemj:

1、Gaenx caemxndang, baujciz aenndang seuqcingh. Ngoenznaengz ceiq ndei aeu raemxraeuj rwed caemx、cungswiq roxnaeuz mad ndang.

2、Gaenx rieg buh, daegbied dwg buhndaw aeu ciengzseiz rieg saeg, baujciz ndang sangj. Buhndaw aeu senj gij buh aeu baengz daeuj guh、doeng heiq ndei、sup cumx ndei haenx, buh gvangq mbouj nem ndang ceiq ndei, baujciz aenndang liengzsangj.

3、Ndaw rug aeu doeng rumz ndei. Danghnaeuz hai gunghdiuz, aeu haeujsim ndaw rug gaej daiq liengz lai; naengh dwg hai denfunghsan, gaej hawj denfungh- san cigciep ci daengz gwnz ndang, aenvih liengz lai rox baenz dwgliengz.

4、Seizhah vunz ciengz mbouj siengj gwn doxgaiq, aenndang mehdaiqndang fanjying youqgaenj, wng gwn gijgwn liengzsangj、habbak roxnaeuz gwn noix gwn lai donq. Gaej gwn gijgwn fatmwt, fuengz baenz dungxsiq.

5、Noix ok rog ranz bae, mienxndaej deng ndit ciuq. Ok dou seiz aeu daenj mauh dangj ndit, baujcwng banringz yietnaiq ndei.