1、Seizhah mbwn ndat, hoengheiq dumzmbaeq, ndang vunz ok hanh sied raemx lai, veisonh iemq ok noix, raemxmyaiz siuj, mbouj siengj gwn doxgaiq, gwn hojgoh cingqngamj ndaej gaijgez aen vwndiz neix.

2、Seizhah sigin yungzheih sanjlah cienzboq, ndataeng ndaej gaj dai sigin. Gwn hojgoh seiz daj goek daengz byai byaek cungj dwg ndatfwd, gwn hwnjdaeuj haemq cuengqsim.

3、Seizhah gwnndoet daih’it aeu bouj raemx、gyu、gyaz、gai、meij、dengaijciz、hamz dan doxgaiq caeuq veizswnghsu hawj gaeuq. Mwh gwn hojgoh, aeu gwn daihliengh byaekheu、daeuhfouh、gyaeqgaeq、nohcing、nohbya、bitgaeq、daepmou、lwggwz、lwgbieng、lwghaemz、lwgfaeg、golinzgaeq daengj, gij byaek neix ndaej sek dungx、bouj dungx, bangcoh siuvaq, caemhcaiq ndaej bouj anhgihsonh、veizswnghsu、veizlieng yenzsu、swnghvuzgenj hawj aenndang bouxvunz, ndaej hawj vunz daez saenz singj uk, siucawz ndataeng naetnaiq. Mboujdanh ndaej daih bouj, caemhcaiq miz yingzyangj hawj vunz lai gengangh.