Daxboh cawx duz ma’iq ndeu hawj gou.

Duz ma’iq neix daengx ndang bwn hausagsag raezramram yungzyubyub, doiq rwz raezramram bupbebbeb duengh roengzdaeuj, doiq lwgda iqetet de ndaemndi’ndi rongh- rikrik, ciengzseiz ndoj youq ndaw bwnyungz raezram, mbouj sijsaeq yawj lij yawj mbouj raen ne. Duzde maij buet maij foux, baez buet hwnjdaeuj, yawj gvaqbae couh lumj aen giuznae nei ringxgingging.

Seizgan nanz le, ma’iq couh caeuq gou doxndei lo, songdou baenz doiq baengzyoux ndei ndeu lo. Moix baez gou bae hwnjhag, ma’iq cungj soengq gou okdou gig gyae, lumjnaeuz mbouj sijndaej hawj gou okdou nei. Seiz gou cuengqhag dauqma, ma’iq maeuq youq henz bakdou caj gou, baez raen gou couh buet gvaqdaeuj, baet rieng vadvad, doq iet linx myabriz din gou, doq sing daemq raeuq “ngaengngaeng” geij sing, lumj dwg gangjnaeuz:“Bouxcawj iq ha, mwngz cungj- suenq dauqma lo, gou siengj mwngz lai lo!”

Duz ma’iq gou caen dwggyaez ha, gou gyaez duz ma’iq gou.

（指导老师 甘说文）