Doenghbaez, miz roek duz max itheij youq ndaw bya gvaq saedceij. Ndaw bya diuzgen gig rwix, mbouj miz raemx caeuq nywj hawj roek duz max neix gwn. Ndigah, roek duz max neix gietdingh lizhai dieg neix, lingh bae ra gaiq dieg ndei ndeu gvaq saedceij.

Ngoenz ndeu haetromh, roek duz max neix hainduj biek ndaw bya bae giz wnq lo. Gyoengqde cingq byaij youq gwnz diuz loh iq ndeu, sawqmwh, cienz daeuj sing cungq yiengj, yaepyet, roek duz max neix luenh lo. Miz mbangj luenh buet, deng laemx sieng lo; miz mbangj deng cungq nyingz sieng; miz mbangj deng cag lamh ga, byaij mbouj ndaej lo. Cijmiz duz max hoengzgeq ndeu mbouj deng gaeb, de yawjraen gyoengq beixnuengx deng sieng, deng gaeb, ndawsim gig nanzgvaq. Seizhaenx, bouxdwknyaen gwed gaiqcungq daj laeng gofaex okdaeuj, duzmax hoengzgeq raen le, gipmuengz buet haeuj ndaw gumz nywj bae. Bouxdwknyaen ra bae ra dauq, baenzlawz hix ra mbouj raen duz max hoengzgeq neix. Gvaq le haujlai nanz, bouxdwknyaen gietdingh mbouj ra duzmax hoengzgeq lo. Bouxdwk- nyaen cingq rag haj duz max cunjbei dauqma, duzmax hoengz- geq fatyienh youq henz de ndoj haenx miz aen congh laeg ndeu, de couh naemj ok le aen banhfap ndei ndeu: Yinx bouxdwknyaen gvaqdaeuj hawj de doek roengz ndaw congh bae. Duzmax hoengzgeq gaemdawz ndaek rin ndeu, ndek coh bouxdwknyaen, cingq ndek deng gwnz gyaeuj bouxdwknyaen. Bouxdwknyaen ndatheiq raixcaix, couh byaij gvaq henz gumz nywj bae yawj, sawqmwh doek roengz ndaw congh bae lo, baenzlawz hix okdaeuj mbouj ndaej lo. Yienghneix, duzmax hoengzgeq haenx couh gouq ndaej beix- nuengx de lo.

Daj seizhaenx hwnj, gyoengq duzmax couh ndaej vaiqvued youq ndaw ndoengfaex gvaq saedceij lo.

（指导老师： 罗 凤）