6 nyied 19 hauh, Yungzsuij Myauzcuz Swciyen Veiswngh Giswnghgiz daengz Dalang Yangh Dasinh Cunh guh saujsu minzcuz ginzcung swnghciz gengangh hangh- moeg cihsiz gyangjco. Aenvih vunz dangdieg cungj dwg Myauzcuz, ciuq vunzlai iugouz, boux canghyw hwnj- dangz heuhguh Mungz Ginzyingh daegdaengq aeu vah Myauzcuz hwnjdangz, vunzlai gyaezmaij.

Ngoenzde, Mungz yihswh aeu gij vah Myauzcuz gig nemgyawj vunz- lai de gangj gij swnghlij gi’gvanh bouxsai、gij youqgaenj aeu cijmeh bwnq lwg、baenzlawz gvaq duenh cinghcinhgiz、mehmbwk swnghciz gengangh daengj. Aenvih aeu vah Myauzcuz gangj, vunzlai ngaih rox, ok laehceij sengdoengh, vunzlai dingq ndaej mizyinx, baez beizyin neix hix aeundaej senhconz yaugoj haemq ndei.

(Gungh Gveicinh/龚桂春)