6 nyied 24 hauh, 2015 nienz Mijlanz Sibozvei Cunghgoz Gozgyah- gvanj gawjbanh Gvangjsih hozdungcouh, baez hozdung neix aeu“Gvangjsih swnghdai, mbanjranz gyaeundei” guh cawjdaez.

Ngoenzde, youq gaihmusi yienhciengz, 12 aen daeng’aendomq menhmenh diemjrongh, mbin hwnj, Gvangjsih gij Mancuengh、dig Dungcuz、cazyouz、gaenggyaeujhau、ndangdaenj minzcuz、fwen lai singbouh daengj haujlai doenghyiengh vwnzva doxcab doxlwnz baijyienj. Youq gwnz daizheiq, doenghboux yenjyenz daj Gvangjsih daeuj de, daenj ndangdaenj moq minzcuz, ndatcingz diuq fouxdohyeh, haenq sing eu fwen minzcuz, baijok le gij fungcingz minzcuz baihsaenamz guek raeuz.

Ngoenzde, gaihmusi sat le, Mijlanz Sibozvei Yidali Gvanj misuhcangj Gwzlijloz fwngz rop aendomq, han Sinhvazse gicej naeuz, gij conzdungj、vwnzva baugvat ndang- daenj daengj, cungj hawj de yaenqsiengq gig laeg, de sim maij le doenghgij singqcing baugvat ndatcingz doiq vunz、cungj angq gvaq saedceij、simsoh gamjguh daengj vunz Gvangjsih gag miz de.

Baez hozdungcouh neix guh 5 ngoenz, laebdaeb youq ndaw Siboz- yenz baijyienj vwnzva minzcuz aeu nungzyez guh cawjdaez, baijok feihvuzciz vwnzva yizcanj, caemhcaiq youq Mijlanz Si banh song ciengz ginghmou doxgyau hozdung.

(Sung Gen/宋建)