●6 nyied 26 daengz 28 hauh, Gunghcwngz Yauzcuz Swciyen gawjbanh daihhaj gaiq Gveilinz Gunghcwngz cazyouz vwnzvacez, baez hozdung neix yinx geij fanh hekyouz daeuj camgya, yienhciengz nauhyied dangqmaz.

(Liengz Veih Vangz Hinghvang)

●Ciet“caet’it”yaek daengz lo, Libuj Yen Minzcuzgiz cienmonz bued cienz hawj Libuj Sanhgoh Hezvei gaihcanj angq- hoh hozdung, senhconz minzcuz cwngcwz. Daengz dangqnaj, aen hezvei neix gungh daengz 6 aen yanghcin gawjbanh doiq fwen hozdung, sij 10 souj fwen senhconz minzcuz cwngcwz nem minzcuz doxgiet cinbu.

(Yangz Sinhcenz Siengj Yi)

●6 nyied 23 hauh, Yangzsoz Yen Fuzli Cin gawjbanh“haj nyied bet”minzsuz vwnzva lijyouzcez (aen ciet neix bi banh baez ndeu), geij fanh boux hekyouz nem vunz dangdieg daeuj camgya hozdung.

(Siz Hungzmeiz)

●Geij ngoenz gonq, Bingz- goj Yen Bingzgoj Gauhcungh、Minzcuz Cunghyoz、Sizyen Cuhcungh、Dungzlauj Cungsim Siujyoz、Haijcwngz Cungsim Siujyoz、Bohcau Cungsim Siujyoz daengj 6 aen yozyau 21 aen ban saujsu minzcuz gungh 1050 boux hagseng ndaej cienz bangbouj saedceij 47.25 fanh maenz, moix boux ndaej 450 maenz.

(Vangz Liboh)

●Dangqnaj, Ningzmingz Yen gij bumwnz gvendaengz nungzyez de cizgiz dazyinx, bangcoengh nungzminz dangdieg gungh laeb hozcozse dajciengzx 60 lai aen, ciengx duzngwz、duzgvi、duzrwi daengj, bangcoengh nungzminz ndaej baenzfouq. Ningzmingz Yen Bwzgyangh Yangh Linzfwnh Cunh ciengx ngwz hozcozse bouxseyenz Lij Yungjlieng ciengx 1000 lai duz ngwz, moix bi ndaej gai ngwzhung 300 lai duz, gyaeqngwz 2400 aen, cinghsouhaeuj 10 fanh lai maenz.

(Couh Yizgangh)