6 nyied 23 hauh banhaemh, Gvangjsih haemh vwnzva yizcanj——Gvangjsih man nem ndangdaenj minzcuz baijyienj youq Nanzningz gawjhengz. Baez baijyienj neix youz Swcigih Vwnzvadingh cawjbanh, Gvangjsih Gih Bozvuzgvanj daengj bangbanh. Baez hozdung neix hopheux aen cawjdaez gvendaengz daengx guek daihcib baez“ngoenz vwnzva yizcanj”——“henhoh cwngzgoj, vunzlai caemhyiengj”, muzdiz aeu caenh’itbouh henhoh、ciengjgouq、swnjcienz nem hwngfat dinfwngz daemj man minzcuz nem vwnzva ndangdaenj, gya hawj vunzlai rox henhoh vwnzva yizcanj. Ndaw doz dwg baijyienj yienhciengz. (Cungh Gensanh/钟建珊 ingj)