Ndawbiengz guek raeuz miz coenz vah ndeu naeuz: Seizhah gwn sae’gva, mbouj yungh ra yw gwn. Neix gangjmingz seizhah cingq hab gwn sae’gva lo. Sae’gva hamz veiz- swnghsu A、veizswnghsu B1、veiz- swnghsu B2、veizswnghsu C lai, ndawde dangzmakit、dangzoij、soemj makbingzgoj、guzanhsonh caeuq cingh’anhsonh daengj, ndaej siu ndat gaij hozhawq、leih nyouh、gyangq hezyaz. Sae’gva yienznaeuz ndei gwn, danhseih cunghyih conhgyah nyinh- naeuz, sae’gva dwg huqcaep, gwn le yungzheih sieng dungx. Ndigah, boux baenz dungx hawcaep、boux bingzseiz miz menhsingq saej in、boux baenz dungx in caeuq boux baenz cibngeih- cijcangz biux naeuh nem boux baenz haexsiq ceiq ndei noix gwn.

Boux ndang ndei hix mbouj hab gwn lai, mboujnex rox sieng dungx yinxhwnj baenz dungxraeng roxnaeuz haexsiq.

Aeu daezsingj diemj ndeu dwg, boux seizhah baenz dwgliengz fatndat、boux baenz rumz nit dwgliengz caeuq boux ngamq baenz dwgliengz nem boux lau nit、boux mbouj ok hanh geih gwn sae’gva.