Youq ndaw geiqciet ndathwngq, bouxvunz yindung roxnaeuz guhhong gvaq le aen’gyaeuj yungzheih ok hanh, sailwed mbehai, danghnaeuz aeu raemxgyoet bae cungswiq, gij goengnaengz sailwed ndaw ukgyaeuj couh ok luenh, caemhcaiq rox baenz gyaeuj ngunh、gvaengzda ndaem、rueg ok daengj binghyiengh dem. Youqgaenj seiz, gojnwngz rox yinxfat baenz uk roenx lwed. Yienznaeuz yungh raemxgyoet cungswiq ndaej yaepseiz cwxcaih, danhseih yungh ndat siu ndat cij dwg banhfap ndei ciengx ndang bw.

Ceiq ndei siu ndat banhfap dwg yienghneix:

1、Sujbaq ndat mad ndang. Seizhah, fajnaj caeuq aenndang ok hanh lai, gibseiz mad hanh ndaej coi naengnoh daeuqheiq, danhseih aeu yungh sujbaq ndat daeuj mad, cij ndaej sikwngq aenndang gyangq ndat yaugoj.

2、Raemxndat caemxndang. Seizhah caemx raemxgyoet rox hawj sailwed naengnoh sousuk, dajcaemx le dauqfanj roxnyinh engq ndat, yungh raemxndat caemx yienznaeuz ok hanh lai, danhseih ndaej hawj sailwed mbehai, mizleih aenndang baiz ndat. Seizhah wnggai ok hanh couh hawj de ok, neix cij habngamj swyenz gveihliz caeuq aenndang ok hanh gveihliz.

3、Raemxndat cimq din. Angjdin dwg daihngeih aen sim- daeuz, laj angjdin faenbouh miz haujlai giz fanjciuq. Yungh raemx- ndat cimq din, seizhaenx yienznaeuz gamjdaengz miz di ndat, danhseih cimq le dauqfanj hawj vunz liengz- sangj cwxcaih.

4、Gwn caz ndat. Gwn raemx- gyoet cijnaengz ndaej yaepseiz gaij hozhawq, danhseih dingj mbouj ndaej nanz, gwn caz ndat ndaej gig sailwed mbehai, ndangraeuj dauqfanj doek- daemq haujlai. Linghvaih, gyagiengz naih ndat lienhndang, daezsang diuzcez goengnaengz ndangraeuj, neix mboujdanh hawj ndang lai miz rengz, caemhcaiq ndaej yawhfuengz baenz fatsa dem.