Ndat baeng: Aeu gaem mbaw- ngaih ndeu, seiq liengx meiqhaeux, heuz di raemx he le cawj goenj 10 faen cung, caiq dwk song liengx laeujhau heuz yinz, dwk gaen roengz cimq le swnh ndat baeng ndoenjhoz、doengjmbaq、raeblaeng, naenxat giz insep, mwh baeng seiz geij daiq ndat lai, mienxndaej deng log sieng naengnoh, ngoenz baeng baez daengz song baez.

Mbwn liengz seiz ndaej dawz gij raemxmeiq baezgonq yungh haenx daeuj gya’ndat le heuz song liengx laeujhau, gaen yub baeng couh ndaej, danghnaeuz baeng baez daihsam aeu vuenh raemxyw moq; mbwn ndat cix moix ngoenz vuenh baez raemxyw ndeu, ndat baeng aen singhgiz he roxnaeuz baeng daengz ndeidingh.

Lai guh ngiengx gyaeuj dung- coz: Boux baenz hoz naet wng lai ngiengx gyaeuj, ndaej hawj ndoenj- hoz lai cwxcaih.

Mwh ninz seiz gaej demh gyaeujswiz, ninz bingz song diemj cung le caiq demh swiz.

Nunaenx:Gingz gen’gvaz hwnj- daeuj, ut geij lwgfwngz goz le daj gwnz daengz laj、daj mbaeu daengz naek nunaenx song baih ndoenjhoz 3 daengz 5 baez; doeklaeng yungh lingh fwngz youq lingh baih ndoenjhoz caiq ciuqyiengh guh baez ndeu, leuxle caiq faenbied yungh fwngzswix、fwngzgvaz napnaenx doengjmbaq 3 daengz 5 baez.