Raq sing ma raeuq ndeu, sawj gou daj ndaw loq singj gvaqdaeuj lo.

Haetromh mbanjranz, caem- rwgrwg, mbouj miz sing cauz giceh, mbouj miz sing nauhcung“ding- lingling”, engq mbouj miz sing bohmeh heuh lwg hwnqmbonq.

Hwnqmbonq lo, gou swiq naj miz cingsaenz le, byaij ok bakdou bae. Haetromh mbanjranz, moengz- moengz loengzloengz, gou ngiengx- gyaeuj yawjyawj gwnz mbwn: Daengngoenz najmong dwk loh ok mbiengj naj ndeu, fwjhau cwxcaih dwk youq gwnz mbwn mbin bae mbin dauq, roeg iq hix cwxcwx caihcaih youq byongh mbwn mbin bae mbin dauq. Caiq yawjyawj duzmeuz iq henz ndang gou, duzmeuz cingq yungh ganaj de yub myaiz swiq naj ne.

Haetromh mbanjranz, sawj vunz maez bae. Doenghnaz mbanj- ranz heusisi, raemxdah laeyedyed, sawndikndik. Sawqmwh raq rumz ci daeuj, doenghnaz couh lumj langhheu fan hwnj fan roengz. Aiq dwg ngamq doek fwn gvaq ba, raemxfwn youq gwnz gomiuz lumj naedcaw nei ronghliklik.

Haetromh mbanjranz caem- rwgrwg heusausau, sawj vunz maez- yiedyied……（指导老师：关桂留）