Boh lingziq cawx gyaq danci moq gyaeundei ndeu hawj lingziq, lingziq angq dangqmaz, hoeng lingziq mbouj rox gwih danci.

Boh lingziq doiq lingziq naeuz: “Mbouj youqgaenj, mwngz gojyij hag gwih.”

Lingziq ciuq gij yiengh daxboh hag gwih danci, hoeng lij caengz gwih ndaej geij mbat couh laemx geij baez lo, in dwk lingziq raemxda conh okdaeuj, lingziq hozndat dwk gangj: “Gou mbouj hag lo.” Gangj le dawz danci vut gvaq henz bae, boh lingziq raen le, gvaqbae doiq lingziq naeuz:“Danghnaeuz bungqdaengz gunnanz couh lau, yienghneix mwngz gijmaz cungj hag mbouj rox, bungqdaengz gunnanz aeu genhciz, mbouj ndaej seizbienh cuengqbae, yienghneix guh gijmaz cij guh ndaej baenz.”

Lingziq dingq gij vah daxboh le, roengzrengz hag gwih danci, yienznaeuz lij deng laemx, hoeng lingziq cungj giengiengz dwk ndwn hwnjdaeuj, doeklaeng hag rox gwih danci lo. Lingziq hag rox gwih danci le fatyienh, gij saeh gaxgonq swhgeij nyinhnaeuz guh mbouj ndaej haenx, seizneix yawj daeuj dwg baenzneix genjdanh!

（指导老师：农定壮）