Gienh saeh neix fatseng youq song bi gonq. Geiq ndaej ngoenz- haenx, gou bae haw cawx doxgaiq. Gou byaij daengz henz bouq gai dangz bae, raen gwnz daiz baij miz haujlai yiengh dangz, hawj vunz baez yawjraen, myaiz cungj yaek rih okdaeuj. Dingjlingz seizhaenx, aendungx gou youh mbouj dingqvah dwk heuhgugu hwnj- daeuj, gou caen siengj cawx geij bau dangz daeuj gwn.

Gou cam boux daxgoeng gai dangz:“Daxgoeng, cungj dangz neix baenzlawz gai ha?” Daxgoeng riunyumj naeuz:“Bau maenz ndeu, sam maenz ngaenz seiq bau.” Gou daj ndaw daeh mbon ok sam maenz ngaenz, doiq daxgoeng naeuz:“Daxgoeng, gou aeu seiq bau.” Daxgoeng ciep aeu ngaenz bae le, couh bau dangz hawj gou. Daihgaiq dwg vunz daiq lai, daxgoeng hawj loek lo, lai hawj gou bau ndeu. Gou yawjraen le, hix mbouj gangj okdaeuj, ndawsim lij caeg angq. Daengz ranz le, gou yawjraen bau dangz lai hawj haenx, ndawsim gig mbouj onj, ndawsim gig ienqhoij, ienqhoij dangseiz mbouj daez- singj daxgoeng. Gou siengj dawz bau dangz neix doiq bae, youh lau bouxwnq naeuz gou dwg lwgnyez rwix. Gou siengj le gig nanz, doeklaeng gietdingh dawz dangz doiq hawj daxgoeng.

Ngoenz daihngeih, gou bae daengz bouq gai dangz, caeuq daxgoeng gangj gienh saeh neix le, daxgoeng haenh gou lauxsaed, dwg boux lwgnyez ndei ndeu.

Gienh saeh neix hawj gou mingzbeg liux dauhleix “lauxsaed dwg gim”. Raeuz itdingh aeu lauxsaed, cijmiz lauxsaed swhgeij cij sim’onj, cij ndaej hawj vunz saenq ndaej gvaq.

（指导老师：罗少维）