Bi 2035, gou fatmingz geij cungj buh caeuq seizneix mbouj doengz, geij cungj buh neix gak miz gunghnaengz daegbied. Lajneix, gou couh gaisau hawj daihgya dingq.

Cungj buh neix naengz bienq raez bienq dinj. Gyoengq lwgnyez raeuz cingq maj ndangdaej, daenj geu buh moq geij ndwen couh dinj lo. Gou fatmingz cungj buh neix naengz bienq raez bienq dinj, dawz gaiq benjnitraeuj cang youq ndaw buh, de gojyij gaengawq ndangdaej boux vunz bienq hung bienq iq. Cawx cungj buh neix ma daenj, naengz daenj geij bi, gig mbaet ndaej ngaenz bw.

Lingh cungj buh dwg gojyij cung dienh, cang benjdaengngoenz iq youq ndaw buh, danghnaeuz soujgih mbouj miz dienh, couh dawz dienhsienq ndaw buh ciep daengz soujgih, gojyij itmienh cung dienh itmienh dwk dienhvah. Danghnaeuz soujdiz dennauj mbouj miz dienh, hix ndaej yungh cungj banhfap neix itmienh cung dienh itmienh yungh dennauj, caen fuengbienh ha!

Buh diuzcez vwnhdu ceiq hab- eiq mwngz lo. Ndaw geu buh neix miz hwngzvwnhgi caeuq fatndat cinghben, hai haigven fatndat, geubuh couh raeujrub lo. Danghnaeuz seizhah hwngqndat, mwngz hix mbouj yungh you, cijaeu gven cinghben faetndat bae, couh gamjdaengz liengzsisi lo.

Daihgya gangj, caiq gvaq 20 bi le geij cungj buh neix baenzlawz yiengh? Sou gyaez lwi? Cijaeu daj seizneix hwnj, gou roengzrengz hagsib, gou siengsaenq gij lijsiengj gou itdingh saedyienh.

（指导老师： 罗 凤）