Gyaeuj in dwg cungj bingh lwgnyez ciengz raen ndawde cungj ndeu, daih’iek miz 20% lwgnyez miz fanjfoek gyaeuj in cingzgvang. Yinx- hwnj lwgnyez gyaeuj in yenzyinh miz lai cungj: Lwgnyez baenzbingh gocwngz ndawde danghnaeuz fatndat, hix rox baenz gyaeuj in; lwgnyez youq mwh ndatoem、youq giz mbouj doeng rumz nanz roxnaeuz aenvih mbangj saeh cauhbaenz swhsiengj gaenjcieng gvaqbouh hix rox baenz gyaeuj in. Caenhguenj lwgnyez baenz gyaeuj in yienghsiengq mbouj noix, danhseih yinxhwnj gyaeuj in yenz- yinh mbouj doxdoengz、naekmbaeu mbouj doxlumj, cawjranz aeu yawj mbouj doengz cingzgvang guh mbouj doengz cawqleix.

1、Naihsim cam lwgnyez aen- gyaeuj gizlawz in. Sijsaeq cazyawj fajnaj、hangzlaj、goekrwz、aenndaeng、heuj、nohheuj lwgnyez miz mbouj miz mbouj doengz bingzciengz.

2、Bang lwgnyez dag ndang- raeuj, yawj de dwg mbouj dwg lij fatndat. Danghnaeuz raen de gyaeuj in youh fatndat, dingzlai dwg baenz riuzhengzsingq dwgliengz roxnaeuz mazcimj daengj ganjyenj lo. Wng daiq de bae yihyen duenq yw.

3、Sijsaeq cazyawj aen’gyaeuj lwgnyez dwg mbouj dwg miz rogsieng, cam de aen’gyaeuj dwg mbouj dwg deng maz bungq sieng gvaq. Danghnaeuz aen’gyaeuj miz rogsieng, aeu daiq de bae yihyen guh caenh’itbouh genjcaz.

4、Lai caeuq lwgnyez gyauliuz, gvansim lwgnyez seiqhenz fatseng gijmaz saeh. Haeujsim lwgnyez gaenhgeiz simyou gijmaz saeh, loengh cingcuj simleix lwgnyez miz maz atlig, yinjdauj caeuq bang de gaijgez gunnanz.

5、Bingzseiz aeu caux aen vanz- ging hagsib caeuq gwndaenj ndei ndeu hawj de. De gyaeuj in seiz, engq aeu haeujsim hoengheiq ndaw ranz ndaw rug singjsien seuqsak, hawj de habdangq yietnaiq, hawj de gwn di yinjliu liengzsangj roxnaeuz sizbinj ndeu.

6、Danghnaeuz de gyaeuj in seiz lij buenx miz rub myaiz、rueg ok, gojnwngz dwg baenz mbiengj gyaeuj in lo.

7、Danghnaeuz lwgnyez fatndat 38 doh doxhwnj, roxnaeuz buenx miz rueg ok、ndoenjhoz gengsoh、lwgda lau ndit daengj yienghsiengq, gojnwngz dwg baenz naujmozyenz lo, wng gibseiz soengq bae yihyen genjcaz aeu yw.