Daiqndang geizgan gwn soemj hix aeu gangj gohyoz, ndaej senj gwn makyungz、makgam、makseq、mak- sigloux(makleizsan)、makit、mak- bingzgoj heu daengj mak singjsien haenx, yienghneix ndaej gaijndei conghsaej mbouj cwxcaih, hix ndaej coi vunz lai gwn doxgaiq, demgya yingzyangj, mizleih lwgndawdungx sengmaj.

Danhseih byaekiep roxnaeuz meiq, gij byaeksoemj vunzgoeng iep、meiq yienznaeuz miz di soemj, danhseih veizswnghsu、danbwzciz、gvangvuzciz、dangz daengj lai cungj yingzyangj gaenq sied bae liux, caemhcaiq ndaw byaekiep hamz miz yasiuhsonhyenz haemq lai, gwn daiq lai doiq ndang swhgeij caeuq lwgndawdungx gengangh fouz ik.

Linghvaih, maksanhcah soemj- set, yienznaeuz hamz veizswnghsu C lai, danhseih mboujlwnh dwg mak ndip roxnaeuz gep sauj, meh- daiqndang cungj mbouj ndaej gwn lai. Aenvih mak ndip roxnaeuz gep sauj miz gij cwngzfwn gig rongzva sousuk haenx, ndaej yinxfat baenz lonlwg caeuq caeux seng, daegbied dwg gij mehmbwk daiqndang sam ndwen dauqndaw caeuq gij meh- mbwk gaxgonq miz lonlwg、caeux seng gvaq haenx, engq mbouj ndaej dam gwn maksanhcah.