Daxmeh gou maj ndaej hamq sang, byoem youh ndaem youh raez, mbiengj naj baihgvaz miz aen cenjlaeuj ndeu, baez riu gig ndei yawj. Singriu daxmeh ndei dingq raixcaix, baez riu couh lumj sing lingzngaenz ityiengh.

Daxmeh gig gyaez gou, baez ndaejhoengq daxmeh couh gangj goj hawj gou dingq. Daxmeh moix gangj sat aen goj ndeu, couh cam gou daj ndaw goj rox daengz gijmaz. Gij goj daxmeh gangj haenx hawj gou rox ndaej haujlai cihsiz caeuq dauhleix.

Bineix yenzdan, daxmeh daiq gou bae gunghyenz ndaw singz guhcaemz. Yienznaeuz daxmeh naengh banci deng ngunhci, hoeng, daxmeh itdingh aeu buenx gou bae youz gunghyenz. Youq ndaw gunghyenz, daxmeh buenx gou cuengq yiuhrumz. Dou youq diegnywj buet ha buet, daxmeh hix lumj gou ityiengh angqvauvau dwk youh buet youh hemq. Gou bang daxmeh ra seiziq dauqma lo.

Daxmeh gou hawj gou seiziq gvaq ndaej gig angqyangz, gou gyaez daxmeh, docih de itcig buenx gou majhung.

（指导老师:韦春柳）