Seizhah mbwn ndathwngq, vunz ceiq maij gwn laeujbizciuj gyoet、cuk gyoet、byaek gyoet、mak gyoet, danhseih bingq mbouj dwg naeuz vunzvunz cungj gwn ndaej gyoet, mbangj vunz baez gwn roengzbae, sieng dungxsaej couh youqgaenj lo. Dungxsaej baez deng sienghaih, couh rox baenz dungx in、oksiq、dungxraeng daengj bingh.

Yindung haenq daihliengh ok hanh seiz, ciengeiz gaej gwn raemx- gyoet roxnaeuz huqgyoet; boux baenz ae’ngab、 baenz gvanhsinhbing、hezyaz sang、dungx in、dungx biux naeuh、dungxraeng、oksiq seiz, ciengeiz gaej gwn huqndip huqgyoet; yaek gwn haeux gaxgonq roxnaeuz yaek haeujninz seiz gaej gwn huqgyoet. Seizhah mbwn ndat, yinjliu gyoet、mak gyoet sangj bak youh ndaej bouj hawj veizswnghsu, cijaeu habseiz、habliengh、menh gwn menh ndoet, doiq gaij hozhawq daih miz ndeicawq, danhseih ciengeiz mbouj ndaej lanhgwn lanhndoet. Mboujnex, sienghaih dungxsaej goengnaengz couh ienqhoij mbouj gib lo.