Ranzmbanj gou dwg Mungzgungh, gou bae haw Mungzgungh ceiq lai, vunz ranzmbanj dou cungj dwg bae gizhaenx cawx doxgaiq.

Gai Mungzgungh youh gvangq youh bingz, moix ngoenz bouxbaetdieg cungj baet diuzgai ndaej seuqsatsat. Diuzgai song mbiengj cungj ndaem miz gofaex, gofaex maj ndaej mwncupcup, couh lumj baenz aen baenz aen liengjheu gang youq song mbiengj gai, vunz byaij youq baihlaj, liengzsangj raix- caix.

Song mbiengj gai Mungz- gungh dwg ranzlaeuz dajgai, daengz ngoenzciet, gij ranzlaeuz dajcang ndaej hoengzhoengz loegloeg, gyaeundei lumj dahsau cingq yaek okhaq nei!

Ngoenz haw Mungzgungh geijlai nauhyied ha! Vunz ranzmbanj daj seiq mienh bet fueng comz daeuj gizneix. Boux dajgai yienznaeuz nyaengq raix- caix, hoeng, doiq bouxcawx riunyumj yiedcingz. Boux daj- cawx ndonj bae ndonj dauq, miz mbangj cawx buhvaq, miz mbangj cawx saw, miz mbangj genj haiz, miz mbangj gwn faenj, miz mbangj cawx byaek……Daengngoenz doek bya lo, bouxboux ndaw fwngz cungj riuj miz daeh hung daeh iq, gwnz naj cungj dwg riunyumj. Gyoengqvunz laebdaeb sanq baema, diuzgai ciemhciemh caem roengzdaeuj lo.

Mungzgungh dwg aen dieg gyaeundei ndeu, vunz Mungz- gungh simsoh youh yiedcingz, gou gyaez ranzmbanj gou, angq- coux gak boux baengzyoux daeuj Mungzgungh guhcaemz.

（指导老师：林胜仙）