Daxmeh gou dwg boux nungzminz ndeu, de gig gaenx guhhong，hix gig gvansim gou gyaez gou.

Daxmeh gou mboujguenj geijlai nyaengq, geijlai naiq, daengz gyanghaemh le, cungj cazyawj cozyez gou. Miz haemh ndeu, gou guh cozyez sat le couh bae yawj densi, daxmeh bang gou cazyawj cozyez seiz, fatyienh cozyez suyoz gou miz daez ndeu guh loek lo, daxmeh couh sikhaek heuh gou lingh guh, cigdaengz gou guh ndaej deng bae. Doeklaeng, daxmeh lij naihsim son gou, daengq gou baezlaeng guh cozyez seiz, itdingh aeu nyinhcaen, guh sat le itdingh aeu sijsaeq genjcaz. Daj baez haenx hwnj gou engqgya roengzrengz hagsib lo, cingzcik gou ngoenz beij ngoenz ndei lo.

Daxmeh gou vanzlij gig gvansim ndangdaej gou, de ciengzciengz cawx makbingzgoj、makit daengj gij lwgmak gou gyaez gwn haenx hawj gou gwn, cawx niuznaij hawj gou gwn……

Daxmeh gou couhdwg yienghneix gvansim gou, gou gyaez daxmeh gou .

（指导老师：覃寒春）