Ranz gou ciengx miz duz vaiz hung ndeu. Duz vaiz neix daengx ndang bwn ndaemndwt wngj- myagmyag, song aen da hung luenz ronghsag, song diuz gaeu vangungj, seiq cik ga hung lumj seiq diuz saeu ityiengh, baez byaij loh dieg cungj daenh bae.

Duzvaiz ranz gou gig gyaez roengz raemx bae rouh. Moix daengz seizhah mbwn hwngq seiz, danghnaeuz ngoenz lawz caengz ndaej bae ndaw dah rouh mbat he, duzvaiz cungj mbouj cwxcaih, couh mbouj nyienh guhhong roxnaeuz dauqcawq cienq bae baenq dauq, cigdaengz mwngz yien de roengz raemx cij ndaej.

Duzvaiz ranz gou gwn ndaej gig lai. Moix donq aeu bog nywjheu hung ndeu gueng duzvaiz, duzvaiz mbouj geij nanz couh gwn liux lo. Duzvaiz ca mboujlai gaemz heiq ndeu gwn ndaej doengj raemx ndeu, gwn ndaej aendungx bongq lumj aen’gyong nei. Duzvaiz gwn ndaej lai, guhhong hix gig ak. Geiq ndaej miz baez ndeu, fwn doek gig hung, gij loh youh raeuz youh myaij, lienz giceh hix haeuj mbouj ndaej ndaw reih bae daeh oij okdaeuj. Daxmeh gangj:“Raeuz aeu duzvaiz ranz raeuz bae rag.” Daxmeh caeuq daxboh dawz gij oij cang rim civaiz, hawj duzvaiz rag. Duzvaiz sing hung baez rongx, seiq ga baez cengj, roengzrengz yiengq baihnaj byaij bae. Rag daengz aen lingq ndeu, gyoengqvunz cungj nyinhnaeuz duz- vaiz rag mbouj hwnjbae lo, byawz rox duzvaiz youq daxmeh caeuq gou lij miz boux daxau ndeu youq baihlaeng civaiz bang nyoengx baihlaj, rag ndaej hwnjbae lo.

Duzvaiz ranz gou moix song bi couh roengz duz vaizlwg ndeu, de dwg boux rengzak ranz gou, bang ranz gou guhhong romcienz. Gou gig gyaez duzvaiz ranz gou.

(指导老师：陆冬群)