Veizswnghsu conhgyah nyinh- naeuz, byaekheu naengz gwn ndip couh caenhliengh gwn ndip, aenvih gwn ndip ndaej hawj ndang vunz daezhawj daihliengh veizswnghsu, ndaej bang ndang vunz baizdoeg, caemhcaiq mizmbangj veizswnghsu lumj veizswnghsu C aenvih cauj- cawj deng sied bae, ngoenznaengz gwn byaek aeu guh daengz hableix dapboiq.

Hoeng, baenzlawz gwn ndip cij ancienz ne? Byaekheu、lwgmak youq mwh sengmaj gocwngz ndawde aeu dwk bwnh、rwed raemx、byoq yw, ciengz deng gyaeqnon、nengzbingh、yw uqlah. Daegbied dwg aeu gij haexnyouh caengz cawqleix gvaq haenx daeuj dwk byaek, conghsaej deng nengzbingh caeuq gyaeqnon uqlah youqgaenj, genjcaz ok miz dacangzganjgin lai baenz 67% caeuq 95%, miz gyaeqnon dab- daengz 89%, yienghneix couh sienghaih ndang vunz gengangh lo. Conhgyah daezsingj naeuz, byaek mak ceiq ndei yungh gaijduzgih cawqleix gvaq cij gwn, yienghneix guh haemq ancienz.