Yihyoz yenzgiu caeuq mizgven saedniemh ndaej rox, boux byoem ndaem haenx gij dungz ndaw byoem mingzyienj lai gvaq boux byoem hau, boux byoem hau caeuq ndaw ndang de noix dungz miz itdingh gvanhaeh. Ndigah, boux byoem hau wng lai gwn gijgwn hamz dungz lai haenx, lumj cehgva、makhwzdauz、haeuxgok、daeuzseng caeuq mbangj byaekheu、lwgmak daengj. Bya nyauh hamz dungz hix haemq lai. Miz vunz diucaz fatyienh, boux ciengzseiz gwn bya nyauh itbuen ndaw ndang mbouj noix dungz.

Linghvaih, conhgyah genyi naeuz, wng lai gwn gijgwn ciengx lwed bouj mak daeuj nyinh byoem nyumx byoem, lumj lwgraz、duhndaem、makcauj ndaem、raetmoegngaex ndaem daengj. Ndaw ndang noix veizswnghsu B dwg cauhbaenz byoem hau aen cungyau yinhsu he, wng lai gwn gijgwn hamz veizswnghsu B lai haenx, lumj haeuxgok、duh、mak sauj、bwtdaep doihduz、simdaeuz doihduz、mak doihduz、gyaeq caeuq byaek mbawheu daengj.