Riengzdwk bi’ndwen ciemh ngoenz ciemh geq, goengnaengz aenndang bouxlaux hix nyiegdoiq lo, diuzheuj deng itdingh cingzdoh sonjhaih bae, vihneix, bouxlaux youq ngoenznaengz swnghhoz ndawde, aeu haeujsim mbangj hothoh iq baej baujhoh diuzheuj.

Diuzheuj bouxlaux ciengz- ciengz deng mbouj doengz cingzdoh sonjhaih, youqgaenj seiz cigciep yingjyangj nyaij gijgwn、siuvaq caeuq supsou doxgaiq, ndigah aeu haeujsim baujhoh diuzheuj.

Guh ndei conghbak veiswngh. Conghbak mbouj seuqsak, couh rox yinxhwnj diuzheuj baenzbingh. Vih yawhfuengz diuzheuj baenzbingh, ngoenznaengz haethaemh aeu guh- baenz cat heuj、gwn haeux sat doq riengx bak daengj sibgvenq ndei, mwh cat heuj aeu daengj gaiqcat bae cat, diuzheuj ndawrog cungj cat daengz liux. Cat heuj mbouj- danh ndaej siucawz nyaqhaeux nyaqbyaek goek heuj, caemhcaiq ndaej nunaenx nohheuj, coi lwed seiqhenz diuzheuj lae baedauq dem.

Genhciz duenhlienh diuzheuj. Fuengfap duenhlienh diuzheuj gig lai, lumj roq heuj、nunaenx nohheuj daengj. Mwh roq heuj seiz, aeu gwnzlaj doxdoiq yaengyaeng bae roq, gyanghaet yaek hwnqmbonq caeuq gyanghaemh yaek haeujninz seiz gak roq 100 daengz 200 baez. Dingzlai bouxlaux heuj gaenq honz lo, mwh roq heuj seiz gaej yunghrengz bae roq.

Baujciz haemq ndei gwnndoet sibgvenq. Bouxlaux wng ciengz gwn di haeuxco caeuq gijgwn hamz nyinzsei lai ndeu, aenvih mwh nyaij gijgwn neix seiz, diuzheuj ndaej nunaenx haemq lai, mizleih diuz- heuj seuqsak.

Gibseiz fong heuj sieng heuj. Mwh heujvauq seiz, aeu gibseiz fong heuj. Naengh miz heuj loenq, aeu gibseiz sieng heujgyaj. Mienx- ndaej nyaqhaeux nyaqbyaek saek youq goekheuj canjseng nonnengz, sonjhaih diuzheuj caeuq nohheuj.