Cunghyih nyinhnaeuz, lwgfaeg feih diemz, loq caep, fouz doeg, seizhah gwn lwgfaeg ndaej fuengz baenzbingh, dwg cungj doxgaiq seizhah gemjbiz ndeu.

Lwgfaeg hamz miz dangz、danbwzciz、lai cungj veizswnghsu caeuq gvangvuzciz, yingzyangj lai, gawq ndaej cawj dang gwn, hix ndaej guhbaenz dangzgvahdungh gwn, caemh ndaej guh yw ywbingh.

Lwgfaeg ndaej leih nyouh siu foeg、siu ndat、gaij hozhawq、gej doeg、gemjbiz. Ciengz gwn lwgfaeg doiq doenghmeg giet ndongj、gvanhsinhbing、binghnyouhdangz cungj miz haemq ndei ywyauq, aeu daeuj yw foegraemx dungxgawh, yaugoj daegbied ndei.